Carlos Mouriño recibiu ao presidente do histórico club arxentino na sede do club
A sede do Real Club Celta foi hoxe escenario da visita institucional dun dos clubs históricos de Arxentina. O Presidente celeste, Carlos Mouriño, recibiu ao seu homólogo do Racing Club de Avellaneda, Víctor Blanco, un encontro pleno de cordialidade que afianza a relación entre ambas as institucións. Os mandatarios intercambiáronse as camisetas e mantiveron unha ampla charla sobre proxectos, inquietudes e as súas experiencias á fronte de dous clubs históricos de España e Arxentina.
O Racing de Avellaneda, considerado pola AFA como un do cinco grandes do fútbol de Arxentina, acumula unha infinidade de recoñecementos desde a súa fundación en 1903. Aos seus 16 títulos ligueiros súmanse logros internacionais como a Copa Libertadores ou a Copa Intercontinental, sendo o primeiro equipo arxentino da historia en levantar este afamado trofeo.
