Juan Carlos Unzué e o seu corpo técnico asinaron esta mañá o contrato que lles unirá á entidade celeste durante as próximas dúas tempadas. Ao equipo técnico liderado polo adestrador navarro e conformado por Rafa Pol, Robert Moreno e Joaquín Valdés unirase Nando Vila como adestrador de porteiros. O preparador vigués, ata a data adestrador de porteiros do Celta B, farase cargo desta faceta no primeiro equipo a próxima tempada.
Nos próximos minutos terá lugar a presentación oficial na sala de prensa de Balaídos.
