Dous das entidades máis emblemáticas da cidade, o RC Celta e a Coral Casablanca, unen os seus camiños por primeira vez. A Fundación Celta e a agrupación musical, que este ano celebra o 60 aniversario do seu nacemento, asinaron un convenio de colaboración que prevé diversos actos e concertos protagonizados pola premiada coral viguesa.
O presidente do RC Celta, Carlos Mouriño, e o presidente da Fundación Coral Casablanca, Ignacio Pérez, coincidiron en expresar a súa satisfacción por un acordo que une a dúas institucións moi respectadas e queridas na cidade de Vigo. Ambos manifestaron tamén o seu desexo de que o camiño emprendido este ano sexa longo e enriquecedor para ambas as entidades.
