Un equipo coordinado por Joaquín Dosil traballará coas categorías inferiores e o primeiro equipo
O Real Club Celta continúa traballando en mellorar e potenciar todas as súas áreas, en reforzar e impulsar o seu crecemento global, e creou un novo departamento encamiñado a enriquecer o rendemento e desenvolvemento persoal e profesional dos integrantes dos distintos equipos da entidade.
Baixo a coordinación de Joaquín Dosil, Doutor en Psicoloxía pola Universidade de Santiago de Compostela, onde realizou estudos de Psicología e Psicopedagoxía, Máster en Psicoloxía do Deporte e Máster en Asesoramento e Orientación Familiar, o club creou un Área de Psicoloxía e Coaching Deportivo que abarca toda a estrutura deportiva celeste.
Esta nova área está integrada por catro psicólogos especializados que traballarán de xeito directo coas categorías inferiores do Real Club Celta, mentres que Joaquín Dosil farao co primeiro equipo. Trátase dun novo paso para potenciar o crecemento global do clube, o desenvolvemento e mellora de todos os seus departamentos, un dos principais obxectivos da entidade.
