Os afeccionados que non xestionaron o seu carné durante xuño aínda poden abonarse con vantaxes
O prazo para beneficiarse das condicións especiais da Campaña de Abonados amplíase uns días, ata o venres 3 de xullo, dada a gran afluencia rexistrada nas últimas horas. Desta forma, os afeccionados que non tramitaron o seu carné ao longo do mes de xuño aínda están a tempo de aproveitar as vantaxes promocionais.
Pasado o 3 de xullo as renovacións non terán desconto e tanto estas como as novas altas pagarán suplemento nos partidos designados como ‘Días do Club’.
Todas as xestións poden realizarse nos despachos de billetes do estadio, que permanecerán abertas ata o venres en horario ininterrompido de 09:00 a 20:00h. A web www.celtavigo.org/abonosCelta permite tramitar o carné en calquera momento do día e sen ter que desprazarse ao estadio.
