No día de onte celebrouse a última superjornada para pechar a fase regular da tempada 2022/2023 de eLaLiga Santander. RC Celta eSports, encadrado dentro do grupo A, conseguiu un ano máis a clasificación con JRA10 aos mandos. Tras o empate (2-2) ante o Villarreal CF de Lavinten e a impoñente vitoria (12-1) ante a SD Ponferradina de LuciaSR93, o xogador celeste certificou o pase tras empatar (2-2) ante o Levante UD de Paps.
No global da fase regular, RC Celta eSports sumou dentro do grupo A un total de 28 puntos en dezaoito partidos cos resultados obtidos, cun balance de sete vitorias, sete empates e catro derrotas, 80 goles a favor e 57 en contra.
Desta forma, o equipo celeste finalizou en quinta posición e participará na gran final da competición, que terá lugar o 13 de maio.
