O RC Celta informa, en primeiro lugar, aos abonados de Río afectados polo peche da bancada no partido ante o Atlético de Madrid de que recibirán a parte proporcional do carné máis unha entrada gratuíta para calquera dos seguintes 4 partidos en Balaídos e para calquera bancada ata fin de existencias da seguinte forma:
– Os abonados que teñan recibo domiciliado en banco recibirán o reembolso correspondente na súa conta antes do 15 de novembro. Non se incluen os abonos financiados.
– O resto dos abonados -incluidos aqueles que financiaran o seu carné- poderán pasar desde mañá, mércores 25 de outubro, e ata o 31 de decembro polos despachos de billetes no seu horario habitual para retirar o seu diñeiro.
– Así mesmo, eses despachos de billetes estarán operativas tamén desde mañá para poder retirar as entradas gratuítas para a bancada que elixan ata esgotar existencias para un dos seguintes 4 partidos en Balaídos: ante Athletic Club de Bilbao, Leganés, Eibar, encontro de volta de dezaseisavos de Copa do Rei e Villarreal.
– En canto aos afeccionados, aqueles que compraron a súa entrada en Balaídos poderán recuperar o importe presentando a súa entrada nos despachos de billetes. Os que a adquiriron en liña recibirán o reembolso na súa conta corrente antes do 15 de novembro.
– Dado que as marxes de tempo son amplos, o club roga a abonados e afeccionados que procuren evitar colas nos despachos de billetes do estadio de Balaídos.
