O Celta B recibe este sábado en Abanca Balaídos ao Deportivo de La Coruña nunha nova edición dun derbi sempre desbordante de paixón. O RC Celta confía e desexa que este partido se viva, como sempre, con fervor e intensidade, pero tamén co máximo respecto e harmonía entre as afeccións.
O club ten o anhelo, e o empeño, de que o derbi sexa definitivamente unha gran festa do fútbol galego no que ambas afeccións sentan orgullo dos seus equipos e do seu comportamento e no que poidan gozar plenamente dun encontro sempre especial e apaixonante.
