O mandatario compartiu as vivencias da súa traxectoria como empresario e presidente do club
O presidente do Real Club Celta, Carlos Mouriño, foi hoxe protagonista da Xornada de Alta Dirección que a AJE (Asociación de Xóves Empresarios) de Galicia organiza no marco da súa campaña I+E+I. Baixo o título ‘Xestionar o impredicible’, Carlos Mouriño analizou a súa traxectoria como empresario e presidente do club e relatou as súas principais experiencias para superar os momentos de dificultade económica aos que se enfrontou.
O acto, que tivo lugar no Museo do Real Club Celta, no Estadio de Balaídos, concluíu cunha interesante quenda de preguntas, moitas delas sobre as vivencias de Carlos Mouriño á fronte do Real Club Celta. A conferencia íntegra do presidente celeste pode verse en CeltaTV, a canle de televisión online oficial do club (celtatv.interoud.tv).
