Os abonados afectados poderán recoller os seus novos carnés a partir do xoves 19 de febreiro
A oficina de abonados pechará os próximos días 16, 17 e 18 de febreiro para realizar con total garantías os labores de recolocación dos abonados de Preferencia e Fondo/Preferencia Lateral ás bancadas de Río Baixo e Río Alto, medida necesaria ante o inicio das obras de remodelación de Balaídos.
Os abonados afectados deberán pasar polos despachos de billetes do estadio entre o 19 e o 28 de febreiro (sábados 21 e 28 incluídos), en horario de 10 a 14 e de 17 a 20 horas, para recoller os seus carnés actualizados, cos que poderán acceder ás súas novas butacas desde o encontro de Liga ante o Elche CF.
O traslado dos abonados realizarase segundo a orde e disposición existente na bancada de Preferencia, sempre tendo en conta ás familias e penas que ata agora gozaban de butacas contiguas.
