O RC Celta abriu as portas da súa nova tenda oficial en Balaídos este luns, horas antes do partido de Liga ante o Real Betis. A inauguración espertou unha gran expectación entre a afección celtista, que recibiu con entusiasmo uns cambios rompedores que supoñen un claro antes e despois para o comercio celeste.
“É un estilo industrial e urbano integrado nun estadio”, explica a Celta Media a director da área de negocios do RC Celta, Carlos Cao, quen ademais deu pistas sobre o uso que se dará á terceira planta do local: “Falta por culminar a planta superior, onde haberá un espazo de lecer e entretemento cun concepto totalmente diferente respecto do que había ata agora”.
A tenda oficial mantén nesta nova etapa o seu horario tradicional: de luns a sábado desde as 10:00 ata as 14:00 e de 17:00 a 20:00. Ademais, os afeccionados tamén poden realizar as súas compras na web shop.rccelta.es, recentemente renovada.
