O RC Celta dá inicio á tempada do Centenario co lanzamento da súa campaña de abonados “90 minutos de sentimento”. Con tal motivo, e por sexta tempada consecutiva, o club mantén os prezos dos abonos, coa excepción da nova bancada de Marcador.
Para aqueles interesados en unirse como abonados na tempada 2023/24, o club habilitou unha lista de espera. Ademais, por mor do Centenario, decidiuse eliminar a cota de alta, brindando unha oportunidade única de vivir a paixón e o sentimento que caracterizan ao RC Celta en cada encontro.
A camiseta desta tempada convértese nun imprescindible no armario de cada abonado, quenes gozarán dun cupón de desconto para adquirir a camiseta do primeiro equipamento a un prezo especial, válido ata o 2 de agosto.
Ademais, o abono vén acompañado dun exclusivo welcome pack que inclúe a bandeira conmemorativa do Centenario, para ondeala con orgullo en cada partido en Abanca Balaídos.
Nesta tempada especial, poderán renovar o Carné Amigo aqueles que xa foron titulares na tempada anterior e, debido a circunstancias particulares, aínda non poden volver a Abanca Balaídos. O custo do Carné Amigo para a tempada 2023/24 redúcese a 50€, en comparación cos 70€ da tempada anterior.
DATAS CLAVE (abonados Río, Tribuna e Gol)
Dende o martes 11/07 ata o martes 18/07, ambos inclusive:
Durante este período, os abonados poderán proceder á renovación dos seus abonos a través da plataforma en liña, elixindo a forma de pago desexada. Ademais, terán a opción de solicitar cambios de asento ou de bancada mediante a mesma plataforma, xa sexa de forma individual ou en grupo.
Dende o xoves 20/07 ata o mércores 26/07, ambos inclusive:
Durante este lapso de tempo, o club atenderá as solicitudes de cambios de asento ou de bancada, tendo en conta a dispoñibilidade e adxudicación de butacas definitivas. É importante destacar que o club se comunicará exclusivamente con aqueles abonados que realizasen solicitudes de cambios durante o período mencionado anteriormente.
MARCADOR ALTO
Os abonados de Marcador poderán realizar a renovación con normalidade a través do Portal de Abonados. Para que poidan coñecer a nova bancada, familiarizarse con ela e ter a experiencia de vivir un partido no seu antigo fogar, probarán a súa nova localización en Marcador Alto durante os dous primeiros encontros da tempada en Abanca Balaídos antes de confirmar a súa butaca definitiva.
Durante estes dous primeiros partidos en casa, aos abonados recolocados da bancada de Marcador enviaránselles entradas por correo electrónico.
Unha vez transcorridos, o club poñerase en contacto para asignarlles de maneira definitiva as súas butacas para o resto da tempada e emitir o seu carné definitivo.
MARCADOR BAIXO
O primeiro paso cara a unha nova bancada que anime sen parar, vendo o fútbol de pé, deuse no vital último encontro ante o FC Barcelona no peche da tempada 2022/23. Marcador Baixo é o novo pulmón de Abanca Balaídos, a bancada onde se pasan os 90 minutos de pé, animando sen parar. O único asento feito para non estar sentado.
Todos os abonados que anteriormente se atopaban na Bancada Seareiros serán trasladados a Marcador Baixo. Non será necesario realizar trámites excepcionais para a renovación do abono; só deberán acceder ao Portal de Abonados e solicitar a renovación. Asignaráselles unha butaca na nova bancada, onde poderán gozar do fútbol de pé.
COMO TRAMITAR A miña RENOVACIÓN E A DO MEU NÚCLEO FAMILIAR
Para levar a cabo a renovación, os abonados e os seus núcleos familiares poden acceder ao Portal de Abonados a través de dispositivos móbiles, tabletas ou desde calquera outro dispositivo con acceso a Internet. Simplemente deberán ingresar ao sitio web abonados.rccelta.es e introducir o ID de Abonado, que se atopa no reverso do carné, e o PIN, que corresponde ás últimas 4 cifras do DNI. En caso de non posuír DNI, a clave para o PIN será 1111.
CONDICIÓS DE PAGO
Para garantir a comodidade dos abonados, establecéronse tres modalidades de pago dispoñibles:
Tarxeta de crédito/débito
Os abonados poderán realizar o pago de forma rápida e segura a través de tarxeta de crédito ou débito. Esta opción permite unha transacción áxil e sinxela.
Domiciliación bancaria
En caso de elixir esta opción, o recibo cargarase automaticamente entre o 1 e o 5 de agosto. Se xa se tiña esta opción seleccionada na tempada anterior e non se desexa realizar cambios, non será necesario realizar ningunha acción no Portal de Abonados, xa que o recibo cargarase de forma automática dentro do prazo mencionado.
Pago a prazos con domiciliación:
Ofrécese a posibilidade de realizar o pago fraccionado en 4 cotas, correspondentes aos meses de agosto, setembro, outubro e novembro. Os recibos cargaranse durante os primeiros 5 días de cada mes. É importante ter en conta que o pago fraccionado non ten intereses, pero supón un gasto de xestión do 5% do importe total, o cal se abonará con tarxeta ao momento de tramitar a renovación.
CATEGORÍAS
- Maior de 65: nados antes de 01/08/1958
- Adulto: nados entre 01/08/1958 e 31/07/1992
- Sub-30: nados entre 01/08/1992 e 31/07/1997
- Sub-25: nados entre 01/08/1997 e 31/07/2007
- Sub-15: nados entre 01/08/2007 e 31/07/2015
- Infantil: nados entre 01/08/2015 e 31/07/2018
- Miudiños: nados a partir do 31/07/2018
A nova campaña de abonados 2023/24 xa está en marcha en abonados.rccelta.es
