Jaison Murillo regresa. O RC Celta chegou a un acordo coa Sampdoria para a cesión, con opción de compra, do defensa central, quen deste xeito afronta a súa terceira tempada como celeste.
Murillo (Colombia, 1992), suma un total de 50 partidos e 3 goles co RC Celta trala súa chegada no mercado invernal da campaña 2019/20. O defensor, perfectamente integrado no vestuario e adaptado á competición, aportará liderado, experiencia e enerxía á defensa celeste.
Ademais, Jeison Murillo, é internacional absoluto coa selección colombiana, combinado co que disputou 12 partidos e torneos de primeiro nivel como a Copa América.
