O RC Celta afronta este domingo a partir das 18.30 horas un importante partido ante o Cádiz. Os de Eduardo Coudet chegan ao encontro tras realizar un importante esforzo o pasado luns ante o Sevilla, onde o bo fútbol celeste non tivo premio no marcador.
Para este partido, o adestrador arxentino recupera a Jeison Murillo, ausente ante o equipo sevillano ao estar amoestado, e a Néstor Araújo, totalmente recuperado xa da súa lesión.
En fronte estará o Cádiz, un dos equipos máis rochosos da competición e que esta tempada xa conseguiu vencer, entre outros, ao FC Barcelona e ao Real Madrid.
O obxectivo para este partido é claro: sumar a vitoria para alcanzar os 40 puntos na clasificación.
