O RC Celta comezou o 2019 cunha derrota ante o Athletic Club. O equipo de Miguel Cardoso sufriu os contragolpes do cadro branquivermello, que se adiantou en senllas ocasións en ABANCA Balaídos. Os celestes visitarán este venres o estadio do Raio Vallecano.
Comezou o partido con ambos equipos marcando o seu estilo sobre o terreo de xogo. Nos primeiros compases sucedéronse as ocasións en ambas as áreas, pero foi o Athletic Club o que se adiantou no marcador cun gol de Muniaín aos vinte minutos. Fran Beltrán puxo o empate tras un saque de esquina antes do descanso.
Na segunda metade o RC Celta gozou de dúas chegadas con perigo nos primeiros compases, pero foi Williams o que adiantou de novo ao equipo bilbaíno. O conxunto celeste tentouno por todos os medios, aínda que non conseguiu igualar o partido pese a gozar de ocasións claras.
FICHA TÉCNICA
1 – RC Celta: Rubén; Hugo Mallo, Cabral, Araujo, Juncà; Lobotka (Pione Sisto, min 62), Beltrán (Hjulsager, min 79), Okay Yokuslu; Brais Méndez, Boufal (Eckert, min 73) e Maxi Gómez.
2- Athletic Club: Herrerín; Capa, Núñez, Íñigo, Yuri; Dani García (San José, min 75), Beñat; Susaeta, Muniain, Córdoba (Balenziaga, min 88) e Williams (Aduriz, min 66).
Goles: 0-1 Muniaín, min 19; 1-1 Beltrán, min 45; 1-2 Williams, min 53.
Árbitro: Juan Martínez Munuera, do comité valenciano. Amonestou a Okay e Hugo Mallo (RC Celta), e Williams, Córdoba, Dani García, Aduriz e Muniaín. (Athletic Club).
Campo: ABANCA Balaídos (13.266 espectadores).
