En pouco máis dun mes, ABANCA Balaídos acollerá un dos partidos máis atractivos da tempada no estadio vigués. Os celestes reciben ao Real Madrid, vixente campión da Champions League, o domingo 11 de novembro ás 20:45.
Os prezos das entradas para este choque oscilan entre os 40€ e os 70€ para afeccionados Sub-25 e entre 60€ e 100€ en categoría Adulto. Este encontro foi designado como Día de Club, polo que os abonados que tramitaron o seu carné despois do 20 de xullo deberán retirar un suplemento (20€ Adulto, 5€ menores de 8 anos e 10€ resto de categorías). Ao ser Día do Club, non se emitirán invitacións para os carnés Miudiño.
A venda de entradas para o RC Celta-Real Madrid arrincará este xoves 4 de outubro ás 10:00 na web tickets.rccelta.es. Os billetes tamén poderán adquirirse nos despachos de billetes do estadio ABANCA Balaídos, abertas de luns a venres en horario de 10:00 a 14:00 e de 17:00 a 20:00 horas.
