David Juncà e Mathias Jensen, os dous últimos futbolistas celestes que continuaban de baixa por lesión, recibiron este martes a alta médica. Ambos os xogadores arrastraban roturas fibrilares de baixo grao, o primeiro no bíceps femoral dereito e o segundo no esquerdo, lesións das que xa están totalmente recuperados.
Juncà está a exercitarse con normalidade co resto do grupo, mentres que Jensen viaxou á concentración da Selección Sub-21 de Dinamarca.
