Daniel Wass, Hugo Mallo e John Guidetti acudiron este mércores á tenda oficial do RC Celta en Balaídos, onde se atoparon con decenas de afeccionados ilusionados por poder coñecer en persoa aos xogadores. Os celtistas que visitaron a tenda tiveron a oportunidade de conseguir os autógrafos do tres futbolistas e de facerse fotografías con eles.
O acto, co que o club busca achegar o equipo á afección, contou cunha extraordinaria asistencia que encheu de ambiente celtista a tenda oficial.
