Os abonados do RC Celta que desexen desprazarse a Amsterdam para presenciar o partido de Europa League ante o Ajax poderán realizar desde este xoves e até o día 20 do presente mes unha pre-reserva de entradas nos despachos de billetes do Estadio de Balaídos. Os abonados celestes, que deberán presentar o seu carné en vigor, terán á súa disposición entradas para este encontro ao prezo de 27’50 euros, que deberán abonar no momento de realizar a reserva.
As entradas, que son persoais e intransferibles, estarán dispoñibles para aqueles que realizasen a pre reserva a partir do día 24 de outubro nos propios despachos de billetes de Balaídos.
Os abonados que non residan en Vigo poden realizar a pre reserva a través de correo electrónico enviando a súa solicitude a abonados@rccelta.es. Deberán achegar nome e apelidos número do DNI e data de nacemento e abonar o prezo da entrada a través dunha transferencia.
Estos abonados poderán recoller as súas entradas presentando o seu DNI nunha billeteira específica habilitada no Amsteram Arena o día anterior e na propia xornada do partido.
