O técnico celeste Eduardo Berizzo prepara o crucial partido de mañá con 18 xogadores entre os que se atopa o mediocampista do filial Borja Fernández. Para este encontro non poderá contar con Orellana por sanción nin con Fontás e Pablo Hernández por lesión. Berizzo considera de gran valor un partido no que terán que enfrontarse a un rival directo na loita por Europa: “Teremos que ser un equipo moi sólido para enfrontar a un rival que ataca ben e sabelos magoar”. Recalcou ademais a importancia da posesión de balón para lograr dominar o encontro e lograr “sentirnos nós cómodos e haceles sentir incómodos a eles”.
No que respecta á recta final de tempada, Berizzo confía na regularidade do cadro que dirixe “non só en canto a números senón a rendemento, estivemos case sempre entre o sete primeiros da táboa”. Sinala ademais que “é o momento de ser prácticos. A nosa mentalidade ten que fortalecerse nestas últimas xornadas”.
