O Celta B perdeu ante o Racing Club de Santander no Sardinero, nun partido que estivo marcado pola expulsión do defensor céltico Lucas Olaza ao bordo do descanso. Os vigueses arrincaron con ímpeto, pero un gol temperán do conxunto local puxo o choque costa arriba para os intereses celestes.
O filial armouse de coraxe para buscar o empate ante un rival que agardou paciente para tentar golpear á contra. Así foi. No minuto 67 chegou o 2-0, que puxo as cousas aínda máis complicadas ao cadro olívico. Os intentos dos atacantes galegos non frutificaron e o Racing completou a súa avultada vitoria con outros dous goles, o último deles xa no tempo de desconto. O Celta B recibe a próxima semana en Barreiro á Cultural y Deportiva Leonesa.
FICHA TÉCNICA
1-Real Racing Club de Santander: Óscar Santiago, Fede, Caneda, Jon García, Mikel (Migue, min.62), Granero (Francis, min.76), Álvaro Peña, Dani Rodríguez (Artiles, min.14), Óscar, Coulibaly e Dioni.
0-Celta B: Iván Villar, Kevin, De Amo, Goldar, Lucas Olaza, Borja Peña (Julio Delgado, min.46), Alende, Pape, Luis Rioja, Rubén Ramiro (Guille Andrés, min.69) e Borja Iglesias.
Goles: Dani Rodríguez, 1-0, min.5; Dioni, 2-0, min.67; Dioni, 3-0, min.80; Coulibaly, 4-0, min.90.
Árbitro: expulsou con vermello directo ao céltico Lucas Olaza (min.40). Amonestou polo Racing Club a Coulibaly e Álvaro Peña; polo Celta B a Guille, Kevin, Goldar e Pape.
Campo: El Sardinero.
