O Real Club Celta e o Atlético de Madrid pecharon nas últimas horas un acordo para o traspaso ao club madrileño dos dereitos federativos do xogador Augusto Fernández.
O Real Club Celta quere expresarlle ao centrocampista o seu sincero agradecemento pola entrega, o compromiso e a profesionalidade que exhibiu desde a súa chegada á entidade celeste, na campaña 2012/2013. O club deséxalle a Augusto un gran éxito na nova etapa deportiva que acaba de emprender.
