As billeteiras de Balaídos despacharon esta tarde as últimas entradas dispoñibles para o partido deste mércores ante o Athletic Club (20:30h, Balaídos). O regreso do fútbol ao estadio vigués en plenas datas do Nadal, sumado á gran tempada que está a asinar o equipo celeste, incrementou a expectación por un partido xa de seu atractivo.
O mellor ambiente celtista está asegurado nun choque no que o Celta se xoga tres puntos que lle permitan seguir prolongando a boa serie de resultados e asinar a mellor primeira volta ligueira na historia do club.
