O canteirán celeste disputou os 90 minutos nun partido puntuable para a Eurocopa 2017 de Polonia
Jonny Castro consolídase na Selección Española Sub-21. O canteirán, situado no centro da zaga, foi titular e disputou os 90 minutos do primeiro partido de clasificación para a Eurocopa 2017 de Polonia. O conxunto español fíxose cos tres puntos en xogo ante Estonia grazas a dous tantos anotados nos últimos 10 minutos. Tamén participaron na vitoria Denís Suárez e Santi Mina, futbolistas formados na canteira do RC Celta.
