Este venres tres xuvenís integraranse na disciplina do primeiro equipo
Os xogadores do primeiro equipo Nolito e Madinda incorporaranse aos adestramentos do RC Celta na Madroa o vindeiro martes 14 de xullo. Ambos os futbolistas gozan duns días extra de vacacións por ter que atender compromisos internacionais tras a conclusión do pasado campionato ligueiro.
Por outra banda, os xuvenís Iván Villar, Diego Alende e Yelko Pino poranse ás ordes de Eduardo Berizzo a partir deste venres 10 de xullo, mentres que Brais Méndez farao unha vez supere a súa lesión. O tamén xuvenil celeste Pape Cheikh unirase ao traballo co primeiro equipo en función do desenvolvemento da Eurocopa Sub-19, na que participa estes días coa Selección Española.
