O comité da RFEF desestimou o recurso presentado polo RC Celta
O Comité de Apelación da Real Federación Española de Fútbol acordou hoxe desestimar o recurso interposto polo Real Club Celta en relación ás amonestacións que Hugo Mallo e Cabral recibiron a pasada xornada no Almería-Celta. Desta forma, Apelación ratifica as sancións acordadas polo Comité de Competición e ningún dos xogadores poderá participar no encontro deste domingo ante o Sevilla FC, Hugo Mallo por acumulación de cartóns e Cabral por vermella directa ante o conxunto almeriense.
Berizzo non poderá contar na vindeira xornada cós sancionados Cabral, Hugo Mallo, Álex López, Nolito e Larrivey e os lesionados Planas, Radoja e Oubiña.
