O Celta é, xunto a FC Barcelona e Sevilla FC, o club que máis xogadores aporta á lista
Os canteiráns celestes e xogadores do primeiro equipo Rubén Blanco e Jonny Castro regresan á Selección Española Sub-21 para participar en dous encontros amigables. O conxunto español medirase o xoves 26 de marzo a Noruega en Murcia e o luns 30 de marzo a Bielorrusia en León, dous encontros que se disputarán ás 20:30 horas.
Con dous futbolistas célticos na lista, o RC Celta é xunto a FC Barcelona e Sevilla FC o club con máis presenza nesta convocatoria da Sub-21. A entidade celeste, da man da súa Fundación, traballa con dedicación para que a presenza internacional de futbolistas formados na Madroa continúe aumentando, sinal de que o proxecto de canteira celeste segue crecendo e madurando.
