Entradas entre 10 e 40 euros para as bancadas de Marcador, Gol e Tribuna
As entradas para o Celta-Elche de Primeira División (luns 2 de marzo, 20:45h, Balaídos) xa están á venda. O encontro, correspondente á xornada 25, será emocionante e intenso fronte a un rival ante o que os celestes lograron unha agónica vitoria sobre a bucina no partido da primeira volta.
O club determinou uns atractivos prezos para esta xornada: 40 euros para a bancada de Tribuna e de 15 euros para Gol e Marcador, 10 euros no caso dos afeccionados Sub-25. Estas tres son as únicas bancadas con dispoñibilidade de aforamento tras iniciarse as obras de remodelación do estadio en Preferencia e proceder ao traslado de abonados a Río Alto e Río Baixo.
O Real Club Celta anima a todos os abonados e afeccionados a acudir ao estadio para apoiar aos xogadores e empuxarlles cara a un triunfo que permita prolongar a boa serie de resultados das últimas semanas, na que a extraordinaria comuñón entre celtismo e equipo foi fundamental.
As entradas para este choque poden adquirirse na oficina de abonados ata o venres en horario de 10 a 14 e de 17 a 20 horas, o sábado no mesmo horario nos despachos de billetes do estadio ou o luns de 10 a 14 e de 17 a 20:45 horas, tamén nos despachos de billetes de Balaídos. Ademais o despacho de billetes online está operativa as 24 horas do día: www.celtavigo.org/taquillaCelta
