Ao acto organizado por Carlos Slim asistiron responsables do R.Madrid, At. de Madrid e Barcelona
Carlos Mouriño representou ao Real Club Celta nun dos actos de maior prestixio e calado do deporte mexicano, a cea previa á cerimonia de investidura dos novos membros do Salón da Fama de México. O presidente celeste participou neste evento, organizado por Carlos Slim, xunto a numerosas personalidades do mundo empresarial e do fútbol americano e a responsables dos clubs españois Real Madrid, Barcelona e Atlético de Madrid.
A cea, que tivo lugar no Museo Soumaya, é o acto previo á cerimonia de investidura dos novos integrantes do Salón da Fama, que se desenvolve este martes no auditorio Gota de Plata, en Pachuca. Os protagonistas desta cuarta edición serán, entre outros, Sir Alex Ferguson, César Luís Menotti, Carlos Valderrama e Romario, quen ingresarán ao Salón da Fama Internacional, mentres que na categoría nacional recoñeceranse as figuras do ex presidente do club Toluca, Nemesio Dez e de Manuel Lapuente e Javier Aguirre, ex técnicos da selección mexicana.
http://salondelafamadelfutbol.com/
