O equipo vigués mídese ao conxunto local este martes ás 20.00 horas nas Gaiandas
O Real Club Celta súmase aos actos programados polo Gondomar C.F. con motivo da celebración do seu centenario e disputará nas Gaiandas un partido ante o conxunto local. Este encontro, correspondente ademais ao XXX Trofeo Conde de Gondomar, disputarase este martes ás 20.00 horas.
O partido foi presentado esta mañá nun acto no que participou o vicepresidente celeste Ricardo Barros, a quen acompañaron e alcalde de Gondomar, Fernando Guitián, e o presidente do club anfitrión, Alfonso Mandado.
Barros recordou o seu pasado no Gondomar C.F, onde foi xogador e presidente durante catro anos, e expresou a disposición do Celta a colaborar na medida das súas posibilidades cos clubs galegos que o requiran. Destacou ademais a importante presenza ao longo da historia no Celta de grandes xogadores de Gondomar.