O sábado 30 de agosto ás 20:30 horas no Parque de Castrelos (Vigo)
O club Castrelos 20:30 organiza a 1ª Edición das 24 horas por relevos e individual no parque de Castrelos de Vigo co apoio das institucións, empresas e atletas de alto nivel dentro da nosa comunidade como fóra dela.
A saída oficial comezase ás 12:00 horas do sábado 30 de Agosto de 2014 e finalizará ás 12:00 horas do domingo 31 de Agosto de 2014.
A proba consistirá en sumar o maior número de voltas ao percorrido de 1 km do parque, xa sexa individualmente ou mediante relevos dos compoñentes do equipo, cun mínimo de 6 e máximo de 12 compoñentes.
O padriño do evento será Asier Cuevas, campión de Europa e 4º do mundo nos 100 quilómetros, que aproveitase as 24 horas para realizar unha tirada importante de quilómetros de cara á súa preparación para o seu inminente campionato do mundo dos 100 quilómetros.
A Fundación Celta de Vigo, dentro da súa filosofía de achegar os valores do deporte á sociedade, colaborará neste interesante evento e anima a todos os afeccionados celtistas a participar nunha apaixonante carreira que terá como pano de fondo o fantástico parque de Castrelos. Unha actividade que esperamos teña un grande éxito de afluencia e que poida ser o inicio dunha gran carreira popular na cidade de Vigo.