A participación do xogador no partido do sábado dependerá da súa evolución nas próximas horas
A radiografía realizada esta tarde ao centrocampista celeste Rafinha desvela que o xogador non sofre lesión ósea no primeiro dedo do seu pé esquerdo, danado esta mañá nun lance do adestramento desenvolvido nas instalacións da Madroa, segundo informaron os servizos médicos do club.
Rafinha sufriu durante a sesión preparatoria unha artrite traumática no primeiro dedo do pé esquerdo, un diagnóstico que se mantén tras a proba radiográfica na que se descartaron danos óseos. A participación do xogador no partido do sábado dependerá da súa evolución nas próximas horas.
