Empate sen goles nun partido con alternativas e ocasións para ambos equipos
Empate sen goles no XVIII Memorial Quinocho, que caeu do lado do Real Club Celta desde a quenda de penaltis. Partido disputado, con alternativas e boas ocasións, aínda que escasas, para ambos. Ensaio positivo e valioso para o conxunto de Luís Enrique.
Moi pronto, a primeira chegada celeste. Á saída dun saque de esquina Fontàs rematou de lonxe e o coiro estrelouse no traveseiro. Os célticos mostraron unha extraordinaria velocidade na saída tras cada recuperación de balón. E así foron chegando con claridade no tramo iniciual do choque. O rival, lonxe de meterse atrás, buscaba tamén con decisión a meta de Yoel, que viviu con certa tranquilidade esta fase de xogo.
O Southampton discutiulle o coiro aos celestes e en diversas fases logrou acaparar a posesión e xerar perigo. Jay Rodríguez desperidició aos 21 minutos unha clara ocasión. quedou só ante Yoel e rematou desviado.
Non estaba cómodo o Celta, que non lograba alargar as súas posesións e custáballe recuperar o coiro. Con media hora cumprida, escaseza de ocasións. No tramo final, os vigueses mostráronse máis incisivos e precisos na combinación e volveron chegar con claridade á área rival, aínda que sen culminar con acerto. Augusto a punto estivo de marcar aos 41 minutos tras unha boa xogada pola esquerda e un centro de Toni. O cabezazo do arxentino saíu moi preto do pau.
Tras o descanso, gran coasión para Augusto. Gran envío de Toni e remate do arxentino que atrapou o gardameta inglés. O Celta mellorara as súas prestacións.Os célticos combinaron conm velocidade e meteron ao Southampton atrás nunha longa fase desta segunda metade.
Non houbo goles e por tanto, quenda de penaltis, que lle outorgou o Quinocho ao cadro local. Polo Celta anotaron David, Orellana, Álex López e Goldar. O conxunto inglés lanzou fóra o primeiro, Guly do Prado, e Sergio detivo o segundo de James Ward. Steven Davis, anotou o terceiro.
FICHA TÉCNICA
0-R.C.Celta: Yoel (Sergio, min.46), Hugo Mallo (Jonny, min.70), Cabral (Goldar, min.58), Fontás (Tuñez, min.58), Toni (Bellvís, min.58), Oubiña (Vila, min.58), Rafinha (Orellana, min.16), Kronh-Dehli (Borja Fernández), min.58), Augusto (Levy, min.58), Nolito (Álex López, min.58) e Charles (David, min.58)
0-Southampton F.C: Kelvin Davis, Yoshida, Schneiderlin, Lovren, Lambert, Jay Rodríguez, Gaston Ramírez, Wanyama, Lallana, Chambres y Shaw. También jugaron Jason Puncheon, Jack Corn, Steven Davis, Enmanuel Mayuka, Guly do Prado, James Ward-Prowse, José Fonte e Jos Hooiveld
Árbitro: Iglesias Villanueva
Campo: Estadio de Balaídos, 9.361 espectadores. Antes do comezo do partido gardouse un minuto de silencio na memoria das vítimas do accidente de tren de Santiago.
Foto: Diego Pérez
