Os célticos participarán en adestramentos oficiais a próxima semana en Las Rozas
Jonny e Rubén continúan afianzándose nas categorías inferiores da Selección Española. O lateral e o porteiro do Real Club Celta foron convocados para os adestramentos oficiais que o combinado nacional Sub-19 realizará na Cidade do Fútbol de Las Rozas entre os días 21 e 23 do presente mes de xaneiro.
Os dous mozos canteiráns celestes concentraranse en Madrid o luns 21 de xaneiro e regresarán o mércores, 23, despois do xantar.
