Os celestes superaron cun gran xogo ao Valladolid. Aspas anotou dous tantos e Álex López o terceiro
O Celta comezou o ano cunha solvente vitoria en Balaídos, regaloulle á súa afección un partido redondo, con gran xogo e grandes goles. Os celestes superaron ao Valladolid con xustiza a pesar do infortunio na xogada do tanto valisoletano. Iago anotou dous goles Álex López o terceiro para os vigueses.
O Celta arrincou o partido coa ambición necesaria. quedou co balón desde o primeiro instante e encerrou ao Valladolid na súa área. E aos 8 minutos, xenialidade e gol. Pase maxistral, impresionante, de Krohn-Dehli a Iago Aspas, quen gañou por velocidade e definiu con mestría.
Un minuto despois, xogada desgraciada: erro de Javi Varas no despexe e penalti. Bo transformou a pena máxima. O infortunio cebouse co gardameta, que tiña o balón nos seus pés, errou ao golpear e logo derriba ao dianteiro rival. Ao Celta tocáballe levantarse.
Park lanzou lixeiramente desviado unha falta aos 14 minutos nunha nova chegada do equipo vigués, que dominaba por completo a un Valladolid que se atopou co empate sen querer.
Os celestes mantiveron o seu dominio absoluto do choque, co cadro valisoletano incapaz de saír do seu campo, onde defendía con orde e con moita xente.
Aos 29 minutos, empuxón de Balenziaga a Iago Aspas cando se dispuña a rematar case en liña de gol. Lanzou Iago, marcou e tivo que repetir. Á segunda, o moañés anotou de novo e puxo por diante ao Celta, que o merecía con claridade.
O bo xogo céltico mantívose nos seguintes minutos, con longas circulacións e un dominio absoluto do xogo. Os valisoletanos reaccionaron no tramo final, con bo gusto polo fútbol, pero sen crear perigo.
Tras a continuación, o Valladolid deu un paso á fronte e buscou con maior empeño a meta de Javi Varas ante un Celta que defendía bo e xogaba con criterio arriba. Mario Bermejo probou unha vaselina que Dani tapou con dificultade.
Álex López, ao cinco minutos, recibiu na frontal e golpeou de forma maxistral o coiro para superar a Dani. Golazo. O Celta levantouse de maneira contunde che de o pau do empate.
Aos 11 minutos, boa xogada con pase final de Iago a Hugo Mallo e remate desviado do lateral. O Celta seguía Facendo un gran fútbol. Álex López e Iago Aspas non puideron superar a Dani noutras dúas chegadas celestes.
No cuarto de hora final, o Valladolid adiantou liñas en busca de recortar a súa desvantaxe e chegar con opcións ao tramo final, pero non atopaba outra vía de acceso que con centros laterais ben defendidos pola zaga céltica. Ao final, o Celta levou a vitoria con xustiza e comeza o ano de maneira inmellorable.
FICHA TÉCNICA
3-R.C.Celta: Javi Varas, Hugo Mallo, Cabral, Túñez, Roberto Lago, Oubiña, Álex López, Krohn-Dehli, Mario Bermejo (Toni, min.83), J.Y. Park (Natxo Insa, min.71) e Iago Aspas (De Lucas, min.86)
1-R.Valladolid: Dani, Rukavina, Marc Valiente, Sereno, Balenziaga, Sastre (Baraja, min.75), Rubio, Omar (Lolo, min.80), Larsson, Bueno (Rubén Peña, min.55) e Javi Guerra
Goles: 1-0, min.8; Iago Aspas; 1-1, min11: Bueno, de penalti; 2-1, min.29: Iago Aspas, de penalti; 3-1, min.50: Álex López
Árbitro: Velasco Carballo, do comité madrileño. Amonestou a Javi Varas, Hugo Mallo, Balenziaga, Javi Guerra e Sastre
Campo: Balaídos, 14.913 espectadores
Fotos: Diego Pérez
